تدرج الفساد

الصوره دى هتشوفها على مقر الحزب الوطنى فى بورفؤاد

وطبعا الى عملها امين الحزب ببورفؤاد عزيز خالد خير من يمثل الحزب الوطنى وانا متنبئلو بمستقبل سياسى باهر فى ظل وجود الحزب الوطنى فى هرم السلطه وحاسس ان هيكون له شأن وممكن يبقى وزير لانه مع منصبه المتواضع فى هذا الحزب اتمسك بيبيع دقيق مدعم اصل عقبال املتكم عندو فرن ودفع غرامه ياعينى 15000 الف جنيه ظلم مش هو الى بيبيع دول الى شغلين عندو الوحشين

بس والله بيكلف نفسه كان لسه عامل الصور وبعدين غيرو المحافظ راح مغير صوره المحافظ

تخيلو معايا لو الراجل ده بقى ليه شأن ووضع اكبر من وضعه دلوقت هيبيع ايه ؟؟؟؟؟؟؟؟؟؟

الحزب الوطنى خير من يمثل بكم ويمثل عليكم

عزمك على العشا يا حكومه

الى فى الصوره ده عشا ليا انا وواحد صحبى ( صحبى ده متجوز بس مسرب مراته عند حماته عشان يوفر )
مكونات العشا ( ذيتون وكسبه وجبنه بيضا قديمه ولنشون بيف وذبديه وكيسين عيش )
التكلفه 7 جنيه منغير ما نحبس بكوبايه شاى
وصف العشا ( قولت للراجل بجنيه جبنه بيضا عك الورقه جبنا عشان ميحرجنيش وبجنيه لنشون خمس قطع مدورين ورفيعين والزيتون حط حبه حلوين عشان ده مقبلات وفاتح شهيه وهو واهم اننا اكيد هنجوع وهنجيب تانى بس احنا فهمنا بيفكر اذاى ومكلناش الذيتون )
يعنى لو اسره مكونه من عيلين وابوهم وامهم هيتعشو بكام
وقررت لما ربنا يكرمنى ويبقا معايا 7 جنيه تانى هعزم الحومه على العشا عشان يعرفو الخير الى هما معيشنا فيه
حسبى الله ونعم الوكيل

ايمن نور تحيه وسلام

دكتور ايمن محرك المياه الراكده فى مصر

تحيه اعزاز وتقدير وتهنئه متأخره بس من القلب

اختلف معك سياسيا ولكن احبك كثيراا ومعجب جداا بشخصيتك ونضالك المستمر ووعيك السياسى الباهر

وقبل التحيه لك تحيه الى حرمك المصون فهى معنى للمراءه المصريه ووجهه مشرفه حقا للسياسيه المصريه

نضالها بجوارك وثقتها بك وبمبادئك تستحق ان تكون معك فى الصوره

دكتور ايمن انت تستحقها وهى تستحقق ...... انتم الاثنان وجهان لعمله واحده نادره قل ما يوجد مثلها

ارى ان الان التاريخ والزمان يعدك اعداد جيد وازماتك وكل ما تمر به تعطى مؤشر جيد جدااا لما تتمناه

دمت بخير واعانك الله

بس خليك عارف لو نصيبك وقدرك تمسك مصر اكيد هعارضك

انت لست وحدك يا تامر

تضامنو مع الحقيقه المصريه

انت لست وحدك يا تامر لن نترك كل شريف يضيع وصت هؤلاء اللصوص والمنتفعين ادعوكم للتضامن مع الحقيقه المصريه ورئيس تحريرها تامر مبروك

نقلا عن الشبكه العربيه للمعلومات وحقوق الانسانصدور حكم قاسي بتغريم المدون تامر مبروك في قضية سب وقذفالقاهرة في 21 يناير 2009أصدرت امس محكمة جنح الزهور ببورسعيد حكمها بتغريم المدون تامر مبروك صاحب مدونة الحقيقة المصريةبمبلغ 2500 جنيه مصري وتعويض مدني بمبلغ 40 الف جنيه لصالح شركة تراست للكيماويات،في قضية سب وقذف اقامتها الشركة ضد المدون في شهر يونيو الماضي 2008.وكانت شركة "تراست للكيماويات" قد اقامت جنحة مباشرةضد تامر مبروك صاحب مدونة"الحقيقة المصرية- http://elhakika.blogspot.com/"تتهمه فيها بالسب والقذف، لكتابته عن المواد الكيماوية التي تلقي بها الشركة في بحيرة المنزلة وقناة السويسالتي لها اثارها البالغة علي صحة المواطنين والثروة السمكية. هذا فضلا عن ظروف العمل القاسيةالتي يعانيها عمال الشركة والتي كانت سببا في قيام العمال باعتصام يطالبون فيه بوقف حالات الفصلوحصولهم على نسخ من عقود عملهم بالشركة.ورغم ان الشركة المدعية لم تقدم سوى صور ضوئية من المستندات المطعون بصحتهاوالتي قد دحضها دفاع المتهم ورغم شبهة عدم دستورية نصوص المواد القانونية التي استندت اليهاهذا الدعوي وإقامتها بطريق غير الذي رسمه القانون مخالفة لنص المادة 3 من قانون الاجراءات الجنائية ،بالاضافة الي تجاهل الحكم بنص المادة 60 من قانون العقوبات والتي اقرتعدم سريان احكام قانون العقوبات علي كل فعل ارتكب بنية سليمة ومخالفة صريحا لنص المادة 47 من الدستوروالمادة 19 من العهد الدولي الخاص بالحقوق المدنية والسياسيةواللتين قد كفلتا الحق في حرية التعبير.والملفت للنظر ايضا إهمال ما ابداه دفاع المتهممن توافر اركان وشروط النقد المباح عن واقعة صحيحة ولها اهميتها لدي الجمهور وايضاعن التجهيل بمواد الاتهام التي لم ترد باصل عريضة الدعوي المنوه عنهاوعدم تحديد الالفاظ التي زعمت الشركة انها تشكل سباً وقذفاً.و تري وحدة الدعم القانوني لحرية التعبير بالشبكة العربية لمعلومات حقوق الانسانأن هذا الحكم قاسٍ وتنفيذه يعد قمعاً وانتهاكاً غير مقبول لحرية الراي والتعبيرومجافاة للحق الأصيل في النقد المباح ليؤكد من جديد اننا اذا ما تقدمنا خطوة في مجال حرية الراي والتعبيرفإنه بإمكان حكم جائر كهذا العودة بناء خطوات عديدة إلى الوراء.فقد كانت وحدة الدعم القانوني لحرية التعبير بالشبكة العربية تأمل ان ينتصر القضاء للحقفي النقد البناء ولحرية الراي والتعبير،وهي تؤكد مرة ثانية الحاجة القصوى إلى تغيير تلك القوانين المقيدة للحريات،السيف الذي يبقى إلى ذلك الحين مسلطاً على رقاب كل صاحب راي. حول تفاصيل القضية :http://www.anhri.net/press/2008/pr0608.shtmlhttp://www.anhri.net/press/2008/pr0707.shtml

هو ليه التمساح كده ....

لا خوفتنى ياعم اتنيل على عينك

حاجه غريبه شغلانى.......... التمساح ده هينقطنى حيوان بيستعبط

هو ليه بيبيض يعنى واحد فى حجمه وفى مركزه مبين الزواحف وبيبض

دى حاجه تكسف يا جدع ..... بس يمكن محدش نصحه

هو بيستسهل على ما اعتقد

ولا ايه رايكم

القراءه للحياه هأو والاكل بردو

ولأن الكتاب كان هو الغاية والوسيلة والحلم فقد كان حلمى - وسيظل - أن يصل الكتاب إلى كل بيت فى مصر.. وأن يصبح فى متناول كل طفل وكل شاب وكل أسرة وألا يحرم مصرى أو مصرية من حقه فى القراءة بسبب إمكانياته أو قدرته المادية أو البيئة الجغرافية التى يعيش فيها وأن تصبح العدالة الثقافية والمعرفية جزءا لا يتجزأ من منظومة تحقيق العدالة وتكافؤ الفرص بين جميع فئات المجتمع.



ده جزء من خطاب سيده مصر الاولى عن حملتها القراءه للحياه



يااااااااااااااااااااااااااااااااااااااااااااااااا لاهوىىىىىىىىىىىىىىىىىىىىىىىىىىىىىى

الصبر من عندك يااااااااااااااااااااااااااااااااااااااااااااااااااااااارب

محدش يمسكنى محدش يحوشنى



انتو عيزين تجننونى

الناس مش لاقيه تاكل وتقولى القراءه للحياه

صباح الخير يا قراءه

اذاى هعرف اقراء وانا عصافير بطنى بتصوصو وعامله اذعاج هركز اذاى انا حد يفهمنى

لا وايه تكافؤ الفرص فى القراءه يا دى النيله السودا

عيزين تكافؤ الفرص فى الاكل والشرب
فى الوظيفه والجواز
فى الاادميه

يا مثبت العقل والدين يارب

هولوكوست فى غزه

بسم الله الرحمن الرحيم

بسم فلسطين سأتكلم بسم الدم الذى سال سأتكلم بسم الدم الذى مازل يسيل ٍاحدثكم
بسم عروبتكم ساقول بسم اسلامنا سأصرخ عليكم سوف اردد عويل نساء واطفال فلسطين سوف اسمعكم صوت قنابل ابطال فلسطين لعلكم تفيقو لعلكم تشعرون ولو لمره واحده انكم رجال انكم عرب
اين انتم .... ادفنتم احياء ام بانت عورتكم فأخذكم الحياء ؟ ام نسيتم من عدوكم ومن ابناء عروبتكم ؟
طبعا الكلام ده مش ليكم .......

انا عامل مدونه عايزكم تشاركونى فيها وننشرها بين المدونات الغير عربيه لنظهر للعالم حقيقه العدو الصهيونى
هى بالغه الانجليزيه وانا ضعيف جداا فى اللغه الانجليزيه وياريت الى بيعرف انجليزى يساعدنى او اى لغه

http://www.holokost2008.blogspot.com/